Mewn partneriaeth â Thîm Addysg y Senedd, rydyn ni’n cynnig cyfle i ysgolion uwchradd ymweld â Neuadd y Sir a’r Senedd am ddiwrnod.
Mae’r daith hon yn rhoi profiadau dysgu dilys sy’n cynorthwyo pobl ifanc i wneud penderfyniadau. Trwy ryngweithio ystyrlon ag arweinwyr etholedig, mae disgyblion yn archwilio eu rolau fel dinasyddion moesegol, gwybodus.
Mae’r diwrnod yn meithrin cyfrifoldeb, empathi a chreadigrwydd, gan rymuso disgyblion i ddod yn gyfranwyr gweithredol i gymdeithas.
Beth i’w ddisgwyl
Yn ystod yr ymweliad, gall disgyblion brofi:
Sesiwn friffio ar strwythur y llywodraeth
Bydd disgyblion yn cael trosolwg cyffredinol o’r gwahanol haenau o’r llywodraeth a’r pwerau sydd ganddyn nhw.
Gweithdy gydag aelod cabinet
Bydd y sesiwn hon yn annog disgyblion i archwilio’r dylanwad a’r cyfrifoldebau sy’n dod gyda chael llais.
Cyfarfod gyda’r Arglwydd Faer
Gall disgyblion:
- gwrdd â’r Arglwydd Faer,
- eistedd yn siambr y Cyngor, a
- chymryd rhan mewn cyfarfod Cyngor ffug lle maen nhw’n cadeirio yndd
Arddangosiad rhyngweithiol o etholiad
Gall disgyblion ddysgu am y broses bleidleisio mewn senario gorsaf bleidleisio ffug, drwy:
- efelychu rolau a chyfrifoldebau gwahanol aelodau o staff, ac
- ymarfer gwneud penderfyniad wrth fwrw eu pleidlais eu hunain.
Sesiwn friffio ar y Senedd
Cyflwyniad i:
- beth mae’r Senedd yn ei wneud,
- pam ei bod yn bwysig, a
- beth yw ei rolau a’i chyfrifoldebau.
Taith o amgylch y Senedd
Taith dywys o amgylch yr adeilad, sy’n cynnig golwg y tu ôl i’r llenni ar ble mae penderfyniadau pwysig yn cael eu gwneud.
Dadl ffug
Gall disgyblion gymryd rhan mewn dadl ffug yn y Senedd, gan ddysgu a chymhwyso sgiliau gwneud penderfyniadau mewn lleoliad seneddol realistig.
Cymrwch ran!
Cofrestrwch eich ysgol gyda’r Rhaglen Cenhadon Democratiaeth: